馮素波分享打卡照 張達明身形消瘦面色灰沉令人擔心

馮素波雖然年屆79歲，但仍緊貼潮流，積極經營社交平台和YouTube頻道《貼地嫲嫲馮素波》，近日佢就分享與好友張達明嘅合照，寫道：「開心見老友，係咪好sweet呢，大家都身體健康，精神不褪色」。從照片所見，馮素波和張達明於美利酒店打卡熱點手拖手合影，氣氛相當歡愉，不過身穿波點恤衫嘅張達明身形比以往消瘦，面色灰沉，身體狀況令人擔憂。

張達明於2011年確診第三期鼻咽癌，須接受化療及電療。不過治療期間不慎金屬中毒帶來後遺症，曾因化療及電療四肢變得無力及麻痺，活動能力大受影響，右耳聽力更曾試過得返五成，左耳就得八成。鼻咽癌痊癒之後，張達明2022年北上拍攝TVB劇集《狀王之王》，又為該劇擔任監製；去年又於電影《100秒》出演高科技科學家，以及演出舞台劇《豐子愷》。張達明坦言講對白有困難，又指體力和記台詞有啲吃力，但一定會堅持下去，透露每朝起身手腳會麻痺，需要熱身，有時回家後唔太精神，但經過早上活動，晚上嘅手腳靈活度會提高，又指自己每星期都會跑兩至三次步。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！