雅虎香港新聞 四小姊弟遇空難流落亞馬遜森林40日奇蹟生還 真人真事將改編成電影︳電影LOL
當年電影宣傳界老前輩話，「真人真事」對電影觀眾係賣點，廣告一定要標榜呢一點。難怪一有大事發生，唔少片廠都會睇吓有冇元素足以拍成一部戲。以往一單大新聞發生之後，可能最快都要隔幾年先有人拎嚟改編拍成電影。但係而家大家動作快好多（加上冇橋），好似2021年發生嘅網民炒GameStop打大鱷事件，2023年已經拍成電影Dumb Money（《玩謝華爾街行動》）仲上映埋了，真人真事嘛。
舊年發生嘅「四小姊弟流落亞馬遜森林40日」事件，今日有報導指知名拉丁美劇作家Guillermo Calderón，將會為以呢單新聞改編嘅電影擔任編劇，而電影嘅創作班底大致已經埋班，可想而知電影公司幾咁快手。
去年5月1日，一架小型飛機喺亞馬遜森林失事墜毀，機上4位年紀分別係13歲、9歲、4歲同1歲嘅哥倫比亞小朋友生還，佢地嘅媽媽喺空難後受重傷，4日後死亡。根據當時報導，4姊弟嘅媽媽臨終前叫小朋友離開（go away）飛機殘骸位置求生。小朋友身處森林，難免有唔同嘅生存威脅，佢地於是匿喺樹幹保護自己。好在小朋友係原住民，對森林有邊啲果子可以食用有一定認識，最終佢地喺墜機40日後，被救援人員發現帶離險境。
主角喺野外生存嘅電影本身已經夠吸引，仲要係4個小朋友，而且有一個仲係要手抱嘅年紀，到底佢地係點樣活過來呢？又原來出事一家5口要坐上呢班飛機，係因為家鄉被當地武裝組織控制，爸爸已經因為受威脅而離開家園，媽媽先至要帶住4個仔女上機。所以劇組表示，熟悉哥倫比亞政治同文化嘅Guillermo Calderón出任編劇係最好不過。
更多電影文章
死侍與狼人／劇場總集篇 孤獨搖滾！Re:／DDDD惡魔的破壞 後章︳電影LOL
班頓費沙接拍登陸諾曼第電影Pressure 演艾森豪威爾將軍 有望再爭影帝︳電影LOL
等足7年 麥浚龍執導億元鉅製《風林火山》傳年底上映 金城武拍完神隱︳電影LOL
笑匠Jack Black樂隊隊友抽水特朗普中槍「下次射準啲」惹爭議 宣布取消巡迴演出︳電影LOL
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
