馮素波雖然年屆79歲,但仍緊貼潮流,積極經營社交平台和YouTube頻道《貼地嫲嫲馮素波》,近日佢就分享與好友張達明嘅合照,寫道:「開心見老友,係咪好sweet呢,大家都身體健康,精神不褪色」。從照片所見,馮素波和張達明於美利酒店打卡熱點手拖手合影,氣氛相當歡愉,不過身穿波點恤衫嘅張達明身形比以往消瘦,面色灰沉,身體狀況令人擔憂。
79歲嘅馮素波(波姐)出身於演藝世家,當年以童星身份出道,縱橫演藝圈超過70年,演技毋庸置疑。近年佢嘅心境越活越年輕,前年年底緊貼潮流開設IG帳戶,不時上載照片及影片同網民分享生活日常,成為「長輩級KOL」,深得網民愛戴。早前屢傳波姐離巢TVB消息,不過都未有回應,去到今日(13日)佢喺社交網站宣布約滿離巢TVB,及感激觀眾朋友們嘅支持同喜愛。