去邊啊Do姐洪嘉豪篇｜德國＋奧地利景點懶人包！簽生死狀坐戰機、阿爾卑斯山唱山歌、超華麗水晶主題樂園

鄭裕玲(Do姐)主持HOY TV新的旅遊節目《去邊啊Do姐》，搵來5大男神包括林家謙、魏浚笙(Jeffrey)、Tyson Yoshi、洪嘉豪及應智越(細貓)跟住Do姐去旅行，玩轉歐亞兩地發掘好玩景點！節目一共有15集，於9月4日首播，繼林家謙及Jeffrey遊東京及周邊，第5至8集Do姐就搵來洪嘉豪一同遊覽德國黑森林、慕尼克、音樂之都奧地利，飲飲食食之餘，亦坐戰機、唱山歌，行逛最大型水晶主題樂園等，即睇行程懶人包！