人稱大劉嘅股壇名人劉鑾雄運籌帷握,佢嘅小朋友都盡得真傳。大劉同前女友呂姵霖(原名呂麗君)嘅女兒劉秀盈,唔經唔覺已經21歲。劉秀盈自小已經熱愛舞蹈,更於去年贏得國際芭蕾舞比賽公開組金獎。近排地產界有消息傳出,劉秀盈租下黃竹坑Landmark South工商用大廈一個8千呎空間做舞蹈學校,如果以現時同一大廈呎租30蚊計,劉秀盈間學校淨交租已經要24萬!