由阮兆祥、王祖藍、李思捷主持嘅TVB扮嘢真人騷《福祿壽訓練學院》逢星期日晚上8時半播出,從全球海選突圍而出嘅參賽者將會一邊接受連串訓練,一邊執行多項任務,同時復刻演出經典戲劇及舞台作品,透過淘汰制鬥到最後踏上「扮嘢王」之路。《福祿壽訓練學院》目前已播出兩集,上周日(7日)播出嘅一集中,唔少面試者都以扮聲唱歌為主,其中有來自廣州嘅參加者梁山山自稱「行走的CD機」,表演完畢後不但獲現場觀眾及評審一致好評,更被李思捷反問:「你做我哋導師好冇啊?」