90年代卡拉OK喺香港興起,當年製作唔少卡拉OK影碟嘅飛圖好賺到開埋唱片公司,仲買下電視台時段力谷歌曲MV,旗下「一姐」梁雁翎(Annie)因此廣為觀眾認識。後來梁雁翎退出樂壇並且神隱多時,但近排原來喺內地社交平台抖音開帳戶分享生活,早前Annie post咗張近照,一頭銀絲但剪成爽朗短髮造型,並寫道「不懼時光優雅老去」十分有型!