向展鵬(Jeffrey)係向氏家族後人,爸爸向華榮係向華強四哥,因而於參加《中年好聲音2》期間備受關注,惟最後60強止步。不過,向展鵬與一班參賽者似乎唔太啱玩,又曾於社交平台發布一張疑似係車婉婉音樂會宣傳相嘲諷對方好扮嘢,雖然好快就移除咗該帖文,但就保留咗相關報導截圖。向展鵬近日接受媒體訪問,自揭與車婉婉嘅關係。
《中年好聲音》評審周國豐同伍仲衡近月經常拍檔做網上節目,日前二人突然爆料,伍仲衡先提到「有人攻擊我哋節目《中年好聲音》」,而周國豐就話「嗰個都係我好尊敬嘅前輩嚟」。伍仲衡接住就爆呢位前輩「唔找數」,仲話「好多Friend同佢做過嘢,你都知我識幾多人做演唱會啦,個個都識咁滯,同佢做過好多騷,我啲friend唔會呃我」。做過傳媒嘅周國豐好知分寸,就話呢項指控好嚴重,而且「帶定頭盔」話未聽過呢類傳聞。主動爆料嘅伍仲衡立即話「佢唔會唔找畀你吖嘛!同佢做完演唱會啲人收唔到錢,我聽咗十幾廿年」。