第96屆奧斯卡頒獎禮將於香港時間周一(11日)早上7點舉行,開show時間比往年提早咗,記得留意!去年大片《奧本海默》橫掃多個頒獎禮,能否再下一城喺奧斯卡盡領風騷?影帝影后又會係邊位奪得?即使今年香港冇電視台直播頒獎禮,但係有Yahoo為你帶來最新得獎結果!
近年亞裔作品同電影人喺奧斯卡屢建奇功,《上流寄生族》拎最佳電影、楊紫瓊做影后之後,今屆奧斯卡亞洲作品聲勢上雖然相對低調,但係宮崎駿以《蒼鷺與少年》拎到最佳動畫片之外,《哥斯拉-1.0》打低Marvel《銀河守護隊3》、《職業特工隊︰死亡清算上集》等大片,拎到奧斯卡最佳視效,係《哥斯拉》系列電影面世70年以來,首次奪得金像獎。