蘇韻姿(Andrea)憑TVB處境劇《愛·回家之開心速遞》「紅衫魚」熊心如一角成功入屋,原本有望與飾演風少嘅陳浚霆組成CP,但疑因工作態度問題未有改善而遭雪藏,上年年初劇情交代熊心如要跟前男友朱天梯(梁証嘉飾)到歐洲視察廠房離開香港,之後就再冇喺《愛·回家》出現。近日就傳出蘇韻姿離開TVB嘅消息,去到今日佢就喺社交網站出PO承認離巢。