現年42歲嘅黃建東(Derek),2011年參加香港先生選舉後入行,多年嚟參演過唔少劇集,近年Derek以扮鬼扮馬嘅搞笑形象深入民心。佢繼2021年的《識貨》、2022年《全城一叮》及《全能司儀選拔大賽》後,今年再報名參加《福祿壽訓練學院》,但竟引起網民不滿,指佢以藝員身分參賽係搶走素人入圍位置。
由阮兆祥、王祖藍、李思捷主持嘅TVB扮嘢真人騷《福祿壽訓練學院》前晚(14日)播出一集,與24位學員暫時放下競賽心態,攜手打造一場土炮多元化嘅頒獎禮。節目中,二次創作「話題」劇集及影畫以外,更有模仿世界各地藝人和動漫人物勁歌熱舞環節、頒發「年度電視演員」、「年度電影演員」及「年度歌手」獎項,更惡搞歌影視作品提名片段,期間不時加插四大天王、Twins、容祖兒等昔日出席頒獎禮嘅片段,疑似要用該集節目與ViuTV直播《第42屆香港電影金像奬》對撼,節目中唔少內容都成為網民討論話題,有網民就表示:「唔講以為播緊金像獎」,以下抽出6大...