【穿越再穿越】《超時空男臣》拍續集現代返回古代?

image

由蕭正楠、曹永廉、何廣沛同田蕊妮等主演嘅無綫劇集《超時空男臣》自播出以來收視都唔錯,最高有27點(超過175萬觀眾收睇)。通常收視好嘅劇集無綫都會添食,今次都唔例外,聽聞連續集嘅初步構思都已經諗好。

有消息指續集會繼續玩穿越時空,不過就唔係古代嚟到現代,而係改為由現代返回古代。而監製羅永賢亦承認真考慮緊,構思係講三位男臣會帶埋「大小姐」同「二小姐」一齊返去明朝, 講下佢哋會唔會唔習慣,歷史會唔會俾佢地改寫等。

image
image

另外,仲會加個嚟自2030年嘅女機械人同佢哋一齊返去明朝。有指機械人角色諗住搵黃翠如色演,不過劇中同蕭正楠並無感情綫,反而要同曹永廉談情。

image
image

對於《超時空男臣》開拍續集,網民反應不一。有網民認為黃翠如同曹永廉做情侶好有新鮮感。亦有網民覺得黃翠如未掌握到喜劇個節奏,會浪費個劇本,再加上機械人穿越到古代好易變膠劇。

image

大家又想唔想《超時空男臣》開拍續集呢?