雅虎香港新聞 職場相處之道：唔「埋堆」就係錯？內向同事如何展現存在感
最近收到一位 fan 的 PM，糾結於公司埋堆的問題「同 team 同事好中意一齊 lunch 叫 pizza，我因為健康考慮，所以從不加入。唔知係咪因為咁，以後佢哋係公司叫 tea，開零食，甚至有時放工去玩都無再叫我！」
「埋堆」在職場上是一件 tricky 的事，太「個人」又怕不良人際關係影響仕途，太 nice 太易話為，又怕被 label 別有用心，再加上若果自問不是一個好 sociable 的人，該如何定位？
尋找合適的埋堆方法
以 fan 的問題為例，當眾人一齊 WeWe 嘩嘩喫 pizza，你卻懶健康的不加入，同事唔 like 也可以理解。遇上唔啱玩的情況，你首要做的是避免同事誤會你扮高端、唔合群。以 pizza lunch 為例，除了禮貌地婉拒外，你可以自備飯盒一齊吃，一齊傾，而非坐埋一邊。
當其他同事提議的活動你通常無興趣，不妨偶爾主動做搞手。要注意的是活動要你自己同普遍同事都想參與，唔係，又會做成反效果－－扮高端!
選擇性埋堆
要一個不太 sociable 的人天天應酬實在辛苦，所以懂得選擇好重要。一般放工飲嘢、打邊爐、食放題可以推，不過同事慶生慶結婚慶生仔等，或部門自發性 team building 聚會，你就最好出席。上司會出動的聚會，你最好也參加一下。
別擺出臭臉
說老實，你沒有積極參與同事活動，大家未必 care，令他們誤會你不屑、臭臉才是問題的根源。
你不需要每次長篇大論向各人解釋你不出席的因由，不過就要重點地令同事明白你通常未能參與工餘活動的原因：放工要陪阿媽、陪男友、溫書 etc。總之，無謂引起不必要的誤解就是了。
絕對內向
講咗咁多，如果你真心認為自己係個絕對內向，一滴都唔想跟陌生人往來的話，又可以點，首先，你怎樣衡量人際關係在你事業上的關鍵性：不埋堆，還有其他方法跟同事保持良好工作關係嗎（例如在工作上多主動提出幫忙）？不願意跟同事交往的原因是甚麼？倘若因為公司氣氛從來都不是真友善，埋堆只不過是 politics 或霸山頭，你還是別花時間，自己做自己嘢算了！
前往瀏覽完整內容:
