TVB混血女星其實不止唐詩詠（上月公佈自己有荷蘭血統），模特兒出身的傅嘉莉（Kelly）原來亦擁有德國血統！近年來才開始活躍參與不同劇集，而最近Kelly在社交媒體上宣佈自己正在錄影《3日2夜》，率先大曬泳衣照。身材火辣的她，更自爆現已手握多層樓，首次置業更是22歲時的事了！

撰文︰東方新地｜圖片︰新傳媒圖片庫、傅嘉莉IG

延伸閱讀：

32B鄺潔楹面形變尖！ 富家女入行前「校服Look」曝光！

獨家！38歲唐詩詠回頭箝46歲馬國明 無懼疫症連日密會遭斷正

傅嘉莉初參演《3日2夜》

早年無綫推出限奶令，令一眾賣開身材的小花、以及鍾意睇小花的男觀眾都叫苦連天，當中唔巴打都擔心向來盛產索女的《3日2夜》會失色不少，不過，《3日2夜》無令大家失望，最新消息更有中德混血的傅嘉莉參與拍攝，正於柬埔寨金邊進行拍攝，節目中定會大曬爆乳身材！

22歲初置業 已有幾層樓揸手

35歲傅嘉莉入行以來雖然負面新聞多多，試過自製同吳卓羲緋聞，又試過被斷正在車內啜爆已婚新加坡有米肥叔叔，以及離奇暴富租豪宅、坐名車等，但仍受TVB力捧。另外，年紀輕輕的Kelly已先後多次做業主，早年接受本刊家居訪問時透露07年22歲時首次置業，2010年以樓換樓方式，買入太古城兩房海景單位，再於12年勁賺出售，但翻查記錄發現傅嘉莉原來早在06年以三百多萬購入海怡半島，兩年後近六百萬售出。

傅嘉莉 親自設計度尺

傅嘉莉在接受本刊訪問時，透露自己早在28歲已3度成為業主，頭兩次都獲利放售；10年以4百多萬購入太古城670呎兩房海景單位的她表示：「我好鍾意呢區環境配套設施，而且返TVB拍劇又方便。」兩年後她將單位收回自住，花4個多月和50多萬裝修，務求打造一所稱心滿意的家。

收回單位後，Kelly堅持親自為新屋設計，如度尺、揀料和監工等，她一一應付自如，從未修讀過室內設計的她說：「我成日都會上網search，去朋友屋企偷師，加上我工作成日周圍飛，見到啲酒店設計靚，都會用iPhone影低參考。」

收納歸一

雖然找專業室內設計師較方便，但品味自己最清楚，「除咗要有屋企feel外，設計上我仲要符合到幾個元素，可以容納大量衫、鞋、護膚品，要一目瞭然，出街前唔需要花太多時間摷。」

結果她改動了飯廳和主人房原來間隔，增設工人房和衣帽間，「自己設計最難係揀料睇樣辦，揸住一小塊樣辦，就要憑空想像用咗之後間屋個樣，有時真係好難取捨。」

Kelly居室以白色為主調，簡約四正不花巧，設計收納歸一，設衣帽間、大型鞋櫃、洗手間有大型護膚品櫃，堪稱為單身女子度身訂造。

港女誰不是鞋癡？數量多不特止，高、低、平踭、尖頭、圓頭、露趾、長、中、短boots、波鞋、帆布…是世上最考收納功夫的身外物！Kelly就在原來的飯廳位置加設特製鞋櫃，放了百對名鞋，可分類擺放。

廁所用上大型鏡櫃，擺放Kelly大量護膚品。

座廁還設置了自動洗淨系統，一流享受。

單身女出價求購

裝修完工，Kelly正式遷入，入住短短幾個月，但已有買家出六百萬求購，比Kelly買入價高出百萬。Kelly說：「個買家同我一樣，都係一個女仔同個工人住，佢上嚟一睇個設計間隔，就話要買，出個價唔差，其實都拉鋸咗一段時間，但我真係好唔捨得間屋。」

說到全屋最滿意設計，Kelly表示：「我最滿意個廚房，廚櫃所用木板、門鉸花咗我好多時間去搵、同裝修師傅傾點做。」她還滿意地向我們示範德國製的廚櫃門鉸於開閂時不會發出嘭嘭聲的效果。

客廳用價錢較貴的日本空運仿木紋牆紙，「最初有想過用木板做牆身，但近海容易發霉，所以最終揀牆紙，連牆紙老闆都話，啲牆紙咁靚，自己住就抵，租畀人就免啦！」梳化是G.O.D出品，價值8千。

傅嘉莉有兩隻貓，一隻是英國短毛混蘇格蘭褶耳貓Gebe，另一隻是美國長毛捲耳貓Bebe。又飼養了兩隻龜，體形較大一隻是品種罕有的哈米頓龜，市價過萬。

後生細女家設神櫃，確係奇聞！Kelly的神櫃由日本運返港，價值8千，櫃下白色抽屜擺放多年收藏佛經，餐枱椅是franc franc出品，同樣價值8千。

爆uncle介紹平樓

傅嘉莉2010年以455萬購入太古城兩房海景680呎單位，兩年後以680萬出售，賺225萬， 當時傅嘉莉透露是整幢大廈最高成交紀錄。

投資有賺有蝕，傅嘉莉每次買樓都必賺，當時記者詢問她買樓心得，她支吾以對：「有時有啲uncle話俾我知有咩筍盤，問我有無興趣買，計我平少少，(邊度識呢啲咁好嘅uncle？) 工作上認識！」

早年她曾在訪問中自爆有意買樓，大口氣話：「我想買二至三房單位自住，要有衣帽間，最好買多間畀父母，我希望30歲賺到一千萬，可以有五個物業，40歲前就買到十個。」

傅嘉莉睇日本地震新聞失言認無腦 網民鬧爆：無上過常識堂

在6月18日早上日本大阪發生6.1級地震，造成多人傷亡，情況讓人擔憂，不少當地旅遊的香港人都紛紛向家人保平安。藝人傅嘉莉、阮小儀、金剛等人當時也身在日本拍攝最新一輯的《街坊廚神》，當中傅嘉莉（Kelly）在地震第一時間在IG上傳了一條story，豈料無意失言引來大批網友「狂插」，事後在IG道歉。

Kelly當時上載了多段有關地震的短片，等網友更清楚當地情況，不過在其中一段拍著電視機畫面的短片聽到Kelly說：「好得意呀啲新聞，畫面喺度震㗎，好搞笑」由於是次地震造成多人死傷，Kelly用「好得意」來形容這次的天災，被網民指超冷血。

事後Kelly知道自己失言後就馬上刪掉段片，並在IG公開道歉說：「對唔住！引嚟咁大的誤會，係我唔識表達，唔夠智慧，無危機意識。之後再睇新聞知道有傷亡，先意識到這是一場很嚴重的天災」，所謂禍從口出，覆水難收，相信這次讓網民對她的形象有很大的影響。

網民留言狂插

另外近日傅嘉莉到日本拍攝時，亦密密po相上社交網。

余香凝偷食致分手？ 陳家樂含淚認情已逝…

激罕童年照曝光 《深宮計》陳煒 細個勁似㗎妹！

被指毀約欠租、弄壞地板電器？陳展鵬：我有做過，我雙手跛！

前夫拋棄 獨力養大三子女 薛家燕娶新抱：等咗呢一日好耐

【深宮計】童年遭街童欺凌4年 堅強張文慈 靠信仰走出陰霾

延伸閱讀：

「兩盒,Thx! 」到底是什麼？香港口罩缺貨、爆笑抽水回應大圖集