《踩過界II》煞科：感謝秦沛老師！ 王浩信淋雨兩小時無怨言

【星島日報報道】王浩信日前在中環街頭拍攝新劇《踩過界II》，一身「盲俠」造型的浩信現身中環皇后像廣場附近，相信是取景終審法院拍攝外景。由於適逢假日遮打道封路成為行路專用區，加上現場拍攝淋雨戲，吸引了不少路人圍觀，但都有保持適當距離。文：李文偉 圖：羅安強 拍攝現場除了浩信外更有十數位戴上口罩的幕後人員，以及十多位換上戲服而未戴口罩的臨時演員，拍攝期間唯獨浩信一人是企定定照頭淋，臨時演員則擔遮在他身邊走動，及後有工作人員對臨時演員表現不太滿意，大呼：「你 有遮擔，浩信冇呀！麻煩你 認真 行。」 一停機即戴口罩 即使淋到一身濕，浩信一步出鏡頭便戴上口罩，與未戴罩的臨時演員保持距離， 生意識極高，又不時走到導演身旁睇重播，十分緊張演出效果。拍攝工作約兩個小時，浩信斷斷續續淋了7到8次雨都毫無怨言，有助手上前問他是否需要抹水，他都拒絕只用紙巾印走額頭水滴，避免妝容受損影響拍攝，期間浩信發現記者，便友善地向鏡頭揮手。 浩信事後接受訪問，對於劇情未有透露太多，他說：「主要講述盲俠呢個角色 雨中等人，其他關於劇情就唔講太多啦，留番俾觀眾到時睇。（淋足兩小時雨有做足準備嗎？）多謝關心，因為好在天氣回暖，當時雨水都唔係好凍，所以都唔使擔心，只是適量地打底就OK，如果是拍攝初期的時候拍就差好遠啦！」 《踩過界II》由去年12月底拍攝至今，早前更赴大澳拍攝多日外景，一眾主要演員更暫居大澳數日，浩信完成大澳外景便即日來到中環拍攝，他透露淋雨一場戲正是他全劇最後一場戲，感恩一切拍攝工作順利完成。 期待有機會再合作 《踩過界II》劇集終於煞科，浩信昨日在社交網貼出與秦沛和姜麗文的合照，秦沛還豎起拇指，浩信留言：「終於順利完成！感謝秦沛老師！林監製！每一位兄弟姊妹和台前幕後團隊這幾個月來的努力！加油啊！」他演戲多年覺得好對手非常重要，今次遇到一位師傅級的好對手秦沛（Paul哥），感到非常榮幸、感恩及開心。他直指Paul哥的氣場好勁，不過與後輩合作時又會收一收，令大家合作得很舒服。其實他與Paul哥是第二次合作，上次拍電影飾演父子角色，今次在劇中兩人關係不但亦師亦友，還有愛有恨，他說再跟Paul哥合作沒上次那麼緊張，期待有機會再合作。 ■王浩信為了一場戲不惜淋雨兩小時，夠晒專業。 ■連同幕後及臨時演員近三十人，就只是為配合一場雨中等人戲。 ■王浩信不時走到導演身旁睇重播。 ■王浩信期待有機會再跟秦沛合作。 ■其實王浩信早前跟張曦雯亦有一場雨中共舞的戲。 ■王浩信與秦沛合照，卻遭姜麗文搶鏡。 ■劇集終於煞科，所有演員都很開心。 娛樂

睇更多