【身體卻很誠實】網友爆「愛國愛港」陳小春妻兒搬去台灣定居

反修例運動持續，局勢不斷升溫，仍然有唔少藝人喺社交網站發表自己嘅立場，好似有「愛國愛港」嘅陳小春。佢除咗多次喺微博轉發及發表愛國愛港及支持香港警察嘅貼文之外，喺24日舉行嘅區議會選舉當日，佢仲上載一張影有已對摺選票同投票印章嘅相片，並加上hashtag「#做一個堂堂正正的香港人」，呼籲各位去投票，不過由於涉嫌違反選舉法例，之後佢已經極速刪除，再上載寫有「今天給香港一個告別暴力的機會」嘅文宣圖片。雖然佢迅速刪除照片，但仍逃不過好多網民法眼，網民們更加支持要「嚴正執法」。

當大家覺得佢可能會連累到太太應采兒及囝囝Jasper嘅時候，今日就有報道指國藉係台灣藉嘅應采兒親自陪Jasper回自己家鄉讀書及生活。轉到台灣讀書最大原因，都離唔開近日香港局勢不穩，防暴警及示威者之行動不斷地升級，假日及平日放催淚彈如「家常便飯」一樣，直接影響生活。本應於本港九龍塘就讀國際學校嘅Jasper，據知搬到台灣後就讀媽咪小時候就讀嘅台北一間幼兒園。報道更經常拍攝到應采兒帶Jasper回校嘅照片。Jasper年紀輕輕，可能未能完全清楚香港發生緊嘅情況，但就眼見佢俾媽咪送返學時照片仍非常可愛，嘴邊經常掛著笑容。

因上載選票相而疑觸犯法例嘅小春出道已超過30年，早前佢宣佈喺12月於台灣舉行個人首次「登台」嘅演唱會，更會唱出好多自己出道以來嘅經典歌曲，令到好多粉絲萬分期待。現時未知會唔會對小春演唱會有所影響。