關嘉敏「企跳」嚇窒家人

藝人關嘉敏在熱播劇《你好，我的大夫》素顏上陣，為演活痙攣角色在天台企跳的一幕，她自爆在家中「震」足一個月：「為咗投入角色，每晚臨瞓前都喺張床度係咁震，記得有次屋企人突然入我房，見到我喺度震嚇親，猛問我有冇事！」她當時即解釋只是練習角色。

她為了劇集獻出兩個第一次，她說：「嗰場跳樓戲吊到好高，我好鍾意刺激嘢，但上到去都係腳震，痙攣、跳樓都係我第一次，覺得好開心，因為學咗好多嘢。」她笑言該場戲「好忙」，既要兼顧複雜的情緒表達，又要兼顧「高度」，分外緊張。