Frankie＠MIRROR女友黑歷史被爆 皮皮疑與AK爭女 Christy被指瘋狂收兵

MIRROR成員Frankie陳瑞輝（皮皮）去年平安夜突然喺IG公開有新戀情，並承認女友係圈外人。早前有「皮寶寶」(Frankie fans稱呼）讚Frankie女友影得皮皮好睇，

而一個以Christy為用戶名嘅帳戶就留言回覆話「多謝皮寶寶嘅厚愛 我會影多啲比大家睇同埋爭取多啲福利」，相信佢就係皮皮女友。而Frankie都有向女友留言放閃。不過「皮嫂」Christy曝光後，網上好快就有大量黑材料井噴式爆出！

有網民搵到Christy疑似已經刪除嘅IG帳戶及其他網上圖片，原來Christy係鋼管舞愛好者，網上就出現一條由佢表演嘅片段，相當火辣。而疑似Christy嘅水著照可見佢身材相當惹火。

又靚女又hot自然多人追，Christy曾經出story貼出同舊愛合照，話自己本來幾鍾意前度，暗示因為皮皮出現而分手，仲話「我見一個愛一個嘅性格咁多年都冇變」。但係Christy又晒出皮皮自拍照，話想見皮皮係因為另一男伴唔得閒；另外Christy又曾經表示要搵個隨傳隨到嘅男伴，似乎有鋪「收兵」癮。

不過更爆嘅係Christy試過將自己同MIRROR另一成員AK（江𤒹生）嘅通話截圖貼出，更寫道「皮皮嬲咗我因為我成日提AK／而家AK又係咁TEXT我／我都唔知係咪皮皮搵佢嚟試我／但係AK應該唔知我同皮皮咩關係」。而Christy又po 出相信係Frankie同佢對話嘅截圖，Frankie對於Christy提起AK同佢傾偈一事似乎有醋意，回覆話「你唔好搵我喇！你自己一早都揀咗」。有網民懷疑Christy係用AK刺激Frankie，又爆料AK而家同另一KOL發展中。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！