TVB節目《美女廚房》令唔少女星廚藝「見光死」,周秀娜、GEM等都被封為地獄廚神,其中一位當年來港搵食嘅日本女星椋名凜,喺節目度煮過臭豆辣椒蝦同埋喇沙米粉,搞到一眾觀眾同主持掩鼻兼雞飛狗走,真係隔住個mon都聞到臭。
張敬軒早年曾於叱咤樂壇頒獎典禮得獎時公開感謝張繼聰,表示:「大家可能唔知道,其實佢真係我表舅父嚟㗎」,又試過於拍片時講笑咁扮自己係張繼聰;雖然二人外貌上唔太似樣,但周秀娜曾於電影《女皇撞到正》煞科期間,口快快將拍檔張繼聰講咗做張敬軒,當時張繼聰更扮發脾氣走開。近日,張繼聰就於社交平台分享被一班後生仔認錯做張敬軒嘅經歷。