《中年好聲音》評審周國豐同伍仲衡近月經常拍檔做網上節目,日前二人突然爆料,伍仲衡先提到「有人攻擊我哋節目《中年好聲音》」,而周國豐就話「嗰個都係我好尊敬嘅前輩嚟」。伍仲衡接住就爆呢位前輩「唔找數」,仲話「好多Friend同佢做過嘢,你都知我識幾多人做演唱會啦,個個都識咁滯,同佢做過好多騷,我啲friend唔會呃我」。做過傳媒嘅周國豐好知分寸,就話呢項指控好嚴重,而且「帶定頭盔」話未聽過呢類傳聞。主動爆料嘅伍仲衡立即話「佢唔會唔找畀你吖嘛!同佢做完演唱會啲人收唔到錢,我聽咗十幾廿年」。
《中年好聲音2》結果塵埃落定,七強選手忙完決賽之後開始出席各大小活動。日前經理人陳淑芬搞生日及答謝晚宴,請到商台前揸fit人俞琤、姜大衛、狄波拉等圈中猛人出席,而《中2》人馬都有現身負責表演。
無綫選秀節目《中年好聲音2》早前完美落幕,古淖文擊敗大熱譚輝智奪冠,引起全城熱話。素來關心圈中大小事、有「樂壇風紀」之稱的殿堂級歌手甄妮亦有收看賽事,對於古淖文當晚表現得到全體評判爆燈滿分,甄妮似乎有所質疑,於社交網發文暗諷:「給滿分~笑到找牙」 、「一把火~燒到~不停音不準,只怪火太大了」、「哈哈哈,晚宴~我被古冠軍放在他手機裏帶回家了!哎呀」。