2022年劇集《家族榮耀》因勾心鬥角劇情及實力派演員演技大鬥法,成功吸引唔少觀眾收睇,劇組去年落實開拍續集《家族榮耀之繼承者》,劇集即將喺TVB播出,而日前(4月30日)亦播出首條宣傳片,17名主演大頭喺片中全面曝光,各人各懷鬼胎,再加上配以「豪門上流全員惡鬥」及「家人即地獄」等字句,相信播出時將會掀起一陣煲劇熱潮。