黃德斌:好對唔住老婆!

東方日報
·1 分鐘文章
黃德斌為事件解畫。
黃德斌為事件解畫。

黃德斌昨晚與倪晨曦等為「口罩小姐」擔任評判,德斌對於被指背妻Joyce,多次與舊愛Ivy密會放狗,他說:「太太知佢做我經理人,但冇需要特別叫太太去見佢,所以太太唔知佢係邊個,只係冇見過面而搞出咁嘅事。無啦啦走埋去咁樣搞佢(太太),佢都唔會開心,今次真係好對唔住老婆,搞到佢咁唔舒服,下次真係要問就問我先。」問到要否跪玻璃?他笑說:「頂痰罐添,咁樣可能好啲。」他與Ivy分開多年,保持友好關係,他解釋兩人多次放狗是因為他愛行山又要跟經理人傾工作,而Ivy要放狗,所以才一齊放狗:「下次一齊放(叫埋太太)!」

而組合ERROR成員保錡自宣布停工後首次公開露面,為節目擔任主持,會見傳媒時他全程扮蠟像不發一言,並由隊友抬他出場,隊員193笑指他現時是「冰封」狀態,上台後先會「溶雪」。提到昨晚與無綫對撼,肥仔指兩台觀眾層面不一,難以比較,曾志偉曾指ViuTV題材偏門只可與J2比較,193寸爆反擊:「J2咩嚟o架?後生仔傾吓偈嗰啲?40幾歲仲後生仔?」