咀出感情冇下文 戴祖儀爆丁子朗做吳若希女婿

·2 分鐘文章
戴祖儀展示腳傷,我見猶憐。
戴祖儀展示腳傷,我見猶憐。

丁子朗承認與戴祖儀拍劇時咀出感情,但原來他已名草有主,未來外母是吳若希,更經常上對方屋企食住家飯。

余德丞、丁子朗(丁丁)、戴祖儀及伍樂怡等,昨日宣傳無綫劇《青春不要臉》。眾星穿上校服領取「藝訓班畢業證書」,祖儀自爆日前再次跌倒受傷,似乎去年連串黑運仍未過!丁丁主動提及跟祖儀的咀戲,笑言雙方粉絲先後在社交網留言「放開個男/女仔」,並預告激情戲陸續有來。祖儀表示拍攝期間幾乎「每日一咀」,數不清有多少場咀戲,她大讚丁丁:「佢好咀,而且係香嘅。」

余德丞被女追

問到拍攝時會否尷尬?祖儀表示:「起初都會,因為以前嗰啲咀戲都係蜻蜓點水,但依家睇番又覺得好sweet。」問丁丁是否咀出真感情?他表示:「拍嘅時候真係有。」祖儀搶着說:「佢咁高質,不過唔輪到我,吳若希已經Mark實,話丁丁20年後要娶佢個女!」丁丁笑說:「我都叫吳若希做未來外母,佢成日煲湯又煮飯畀我食。(咁你未來老婆呢?)每次見到佢都會攬攬抽吓水,希望20年後佢仲記得子朗哥哥啦。」

而余德丞表示與劉穎鏇(Tiffany)的感情線純過蒸餾水,極其量是拖手及食吹波膠傳情:「我同Tiffany兩小無猜,最激嘅都已經見晒街。(現實中你都係等女仔追?)我比較怕醜同細膽,中學同大學兩段情都係女仔主動先,但我最尾都夠膽問對方肯唔肯做我女朋友。」

余德丞(左)與丁子朗扮「超齡學生哥」。
余德丞(左)與丁子朗扮「超齡學生哥」。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能