百億名媛林恬兒與老公旅行慶祝結婚10周年 行李堆到行李車車頂激誇張

林恬兒（Emily）為林建岳與前妻謝玲玲嘅大女，2014年與富二代老公何正德於法國南部尼斯舉行婚禮，婚後先後誕下一子一女，一家四口生活幸福美滿。林恬兒不時於社交平台PO出與老公嘅放閃照，日前（28日）為佢哋結婚10周年嘅日子，二人原來已出發去外地旅行慶祝，林恬兒於IG限時動態分享外遊照，甫到達機場已有專人舉起寫上「E&K ANNIVERSARY PARTY」嘅牌接機，其行李目測共有13個行李喼，多到堆到行李車車頂，需要由兩個工作人員一齊推車，相當誇張。林恬兒及後又分享與老公於沙灘手拖手漫步嘅照片，愛得非常甜蜜。

林恬兒家世顯赫，於上流社交圈人緣甚廣，包括徐子淇、黎姿、馮余慕莊、許晉亨侄媳林麗穎皆係佢嘅好友，於馮余慕莊生日時，更不惜分享與對方旅遊、唱K等舊相，當中更有素顏照。林恬兒嘅複式豪宅亦曾曝光，大廳設有弧形梳化，飯廳則設有12人長餐枱，裝潢奢華有品味。除咗家底富裕，林恬兒更是一名學霸，擁有美國南加州大學雙學士，2007年於名校哥倫比亞大學政治系碩士畢業；曾任麗新集團事務副總裁、里昂證劵任職銷售經理，而2018年又與10位志同道合嘅女性成立非牟利環保團體EcoDrive，宣揚環保意識。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！