長腿組合打出默契 朱智賢劉穎鏇全力扣殺 有血有汗

·2 分鐘文章
陳曉華(左起)、劉穎鏇、鞏姿希、黃碧蓮、鄧美欣及朱智賢打出默契。
陳曉華(左起)、劉穎鏇、鞏姿希、黃碧蓮、鄧美欣及朱智賢打出默契。

無綫小花朱智賢、劉穎鏇、陳曉華等組成「女子170長腿」組合,於明星排球賽瞓身殺波,名副其實「有血有汗」,昔日經典排球女將日劇《青春火花》畫面重現眼前!

無綫《明星運動會》排球賽前日舉行,女子組方面,由藍隊朱智賢、綠隊蔡嘉欣、紅隊梁麗翹分別擔任隊長領軍出賽,當中以紅隊的吳天兒、沈可欣及藍隊的朱智賢、劉穎鏇表現較出色,儼如經典女排日劇《青春火花》般全力扣殺。

陳曉華:大家瞓身撲波

朱智賢是藍隊的最強發球手,昨日她受訪時表示整場比賽十分熱血:「興奮、刺激又緊張,因為成班人好齊心想做好件事,原來真係會好感動。我哋一開始唔夠人,臨時加多咗個隊友,6個女仔從未試過一齊打波,所以由完全冇默契到愈打愈勁,嗰份鬥志真係好難得。」由於朱智賢、劉穎鏇、陳曉華等藍隊隊員平均身高1米70以上,故被封為「長腿隊」,她們似足啦啦隊不斷吶喊:「藍隊長腿、藍隊長腿!」士氣高昂。

至於運動健將劉穎鏇表示很滿意成績:「籃球我成日打,但排球真係6、7年冇打過,今次喺冇練過嘅情況下去打,最好嘅優勢係大家好有正能量,愈打愈有默契。」提到陳曉華、朱智賢打到手部爆微絲血管,劉穎鏇說:「我都打到瘀咗同一撻撻,打嗰時唔覺,依家先知,最慘自己有啲唔舒服,所以打得好辛苦。」而求學時期是「運動精」的陳曉華說:「打得好開心,無論個波飛去邊,大家都好肯瞓身撲波。以前我喺學校有打,都有10年冇打,所以一打番,隻手即刻爆晒微絲血管。」

黃祥興同日進行2場比賽

男子組方面,黃子恆與黃祥興落場,祥興受訪時表示同日進行排球及乒乓球賽,時間很緊迫:「我18歲喺法國有打排球比賽,今次都好好玩,成績好滿意,事前我有搵乒乓球教練練波。」

代表綠隊的謝嘉怡,表現有板有眼。
代表綠隊的謝嘉怡,表現有板有眼。
黃祥興表示比賽好玩又刺激。
黃祥興表示比賽好玩又刺激。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能