28歲內地男演員喬任梁昨晚突傳死訊 疑另有內情？

曾經參演網絡劇《小時代之摺紙時代》，現年28歲內地男演員喬任梁突然傳出死訊，上海普陀公安喺微博發文指「噚晚（16日）6時21分喺桃浦地區祁順路某住宅單位有一名男子死亡，警方趕赴現場處理後，死者是喬某某（男，28歲，上海市人），經法醫初步鑑定，已排除他殺可能，具體死亡原因正在進一步調查中。」喬任梁經理人公司其後亦證實喬任梁離世消息「不管如何這個世上每天都有人離去，方式不同，既然離去，就讓他好好安息。」消息傳出後，震驚兩岸三地娛樂圈，經紀公司表示今日會召開發佈會。

昨晚曾經有傳聞指喬任梁與導演玩SM，用膠袋套頭引致窒息死亡。另外，亦有傳佢患有抑鬱症，指被發現時在家中浴缸，身上有傷，而且頭部被膠袋罩住，疑似「雙料」自殺。喬任梁曾經喺訪問上講過自己訓得唔好、成日失眠，拍劇時每天都要食好多安眠藥先能夠入睡。喬任梁與女友同居，係佢女朋友發現佢死亡。傳聞傳出後，新民晚報編輯明確否認，並指玩SM窒息致死純屬謠言。至於，確實死因仍有待調查。

據講喬任梁已患有抑鬱症2至3年，但係經理人公司為咗保護他，而一直未有公開佢嘅病情。唔少圈中藝人及好友知道嘅死訊後，紛紛都喺微博留言哀悼。