反黑英雄｜林俊其演「外賣仔」撞樣王浩信 似樣過親細佬 原來真係有淵源

新劇《反黑英雄》算係TVB近期多人討論劇集，星期二晚（25日）播出嘅第二集入面，祖耀（袁偉豪飾）為替女友阿婷（蔣家旻飾）報仇，同阿細（關曜㒞飾）搵一班問題少年組成「外賣軍」販毒做蝕本生意，誓要搶走仇人「西九王」無良（黃子恆飾）客源。點知「外賣軍」出師不利，喺一次任務時被國威（張頴康飾）等警察捕獲。無良因此發現背後線索，於是搵人捉拿其中一名「外賣仔」番茄（林俊其飾），成功搵出祖耀係幕後黑手，而番茄就慘遭用完即棄被人推落樓，相當淒慘！

飾演「番茄」的林俊其今年28歲，其實已經入行8年，由於外貌激似王浩信而獲封為「翻版王浩信」，甚至有網民認為林俊其比王浩信親細佬王瑋彤更似兩兄弟。林俊其曾經喺《愛·回家之開心速遞》飾演藍浩信（Signal），擺明向王浩信致敬。

林俊其同王浩信原來一早有合作，早喺2017年嘅《踩過界》中林俊其做過王浩信替身，之後又再喺《兄弟》飾演王浩信嘅年輕版，認真有緣！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！