雅虎香港新聞 曉格蘭特演變態佬 新片Heretic設局禁錮傳教少女︳電影LOL
早幾日介紹過由《阿甘正傳》版底30年後再合作嘅新片Here，以同一視覺睇住一間屋入面嘅人來人往，相當暖心。但原來Here今年11月15日北美開畫當日，有另一套新片Heretic打對台 － 雖然片名差唔多，而且一樣以一間屋為主場境，不過風格截然不同，淨係睇trailer都睇到人緊張標汗！
Heretic 可解作「異端」，男主角曉格蘭特（Hugh Grant)片中行徑的確好極端。故事講述兩名年青女性摩門教徒到處上門傳教，去到一間大屋被曉格蘭特飾演嘅屋主邀請入屋，點知後來2位女子發現原來走入一間機關處處、難以離開嘅迷宮。預告片中，曉格蘭特喺兩度門分別寫上「信」同「不信」，並且同2個女子講「我想你根據信仰，選擇行其中一度門」。而曉格蘭特相信已經設計好種種考驗，要呢2名教徒直面信念同生存之間嘅矛盾。似乎Heretic 係《恐懼鬥室》少血版，但同樣咁驚心動魄。
初出道時行型男路線嘅曉格蘭特，《四個婚禮一個葬禮》、《摘星奇緣》嗰陣靚仔到dum一聲，加埋英國口音嘅英文，要不是當年喺荷里活被斷正當街尋花問柳，真係零死角。估唔到近年「登六」之後Hugh Grant都相當放得開，角色形象不拘一格，《龍與地下城：盜亦有道》演反派，《柏靈頓2》演嘅歹角再加幾分騎呢，仲有《旺卡》嘅小矮人，完全冇包袱！今次演埋陰暗變態男，相當令人期待。至於2位被「禁室培＿」嘅女子就分別由荷里活新生代Sophie Thatcher同Chloe East 飾演。
更多電影文章
壞蛋獎門人4／無聲絕境外傳：首襲日／長夜盡頭的微光／走走停停︳電影LOL 今期睇咩戲
《阿甘正傳》CP 湯漢斯羅冰韋特再合作 新片Here靠CG回春演活人生︳電影LOL
《史力加》有新搞作 第5集明年上映 驢友外傳製作中︳電影LOL
《玩轉腦朋友2》上映12日全球收逾7億美元 成今年票房之冠︳電影LOL
《人工殺姬》拍情色版番外篇SOULM8TE 開拓殺姬宇宙︳電影LOL
《玩轉腦朋友2》收得 更不容有失 Pixar高層暗示新片《外星奇遇記》搵華裔導演石之予執手尾︳電影LOL
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
