陳柏宇太太符曉薇分享家庭教育心得 引起網民共鳴：你哋教得好好

模特兒符曉薇（Leanne）喺2017年與歌手陳柏宇（Jason）結婚，婚後育有兩名囡囡陳羿辰（Abigail）及陳星晴（Audrey），佢哋活躍於社交平台，不時放閃、分享生活點滴及上載囡囡嘅可愛相片與短片，一家四口幸福快樂。

噚晚（13日），符曉薇又喺threads出PO，寫道：「香港人哩（呢）幾年負能量好高，大家對大家都極mean，乜都抱住踩一踩嘅心態，乜都批評，一直教家姐要懂得欣賞別人，希望佢唔會比哩（呢）個世道改變，作為家長嘅我地都要身教去改變哩（呢）個世界，品德、心地，真係好重要，重要過佢讀書叻唔叻。」

網民都留言表示同意，例如：「你兩公婆都做得好好呀 我日日睇live 都覺得你地耐性超強 我都覺得小朋友心地善良就夠 同埋要有同埋心」、「絕對同意，讀書叻唔太重要，最緊要品德，禮貌……我以前教姨甥女都係要咁 你做得好，繼續努力 abi都好乖，湊到痾住好好，好有愛心 你哋教得好好 證明你無錯」、「我完全同意 我細細個屋企人都教我 讀書唔叻唔緊要 但品德 善良好重要」、「啱 講得有道理」、「你同陳生做得好好呀」及「陳太 講得岩呀」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！