年長女同志・專訪｜住院遭醫護誤當男病人 50 後女同志：同志都會老 社會應關注｜Yahoo

【Yahoo 新聞報道】電影《從今以後》道出年長女同志在處理伴侶遺產和後事的角力，揭示本港女同志的晚年困境。該片藍本取自《同聲同氣：香港年長女同志口述歷史》，作者之一、從事女同志研究的 70 後學者鄧芝珊（Denise）的研究發現，老病是本港年長女同志的最大憂慮，加上目前醫療機構性別敏感度不足，亦令她們心生芥蒂，導致該社群更難被看見；書中個案、50 後女同志洋洋則已立好遺囑，確保相愛 16 年的女友日後獲得遺產，而女友至今仍未向家人出櫃，「佢媽媽都 90 幾歲，亦都唔會明白」。

洋洋生於 50 年代，社會尚未開放，男女同志愛得隱蔽；Denise 那代人則靠 80 年代的張國榮、梅艷芳、黃耀明等藝人顛覆性別刻板形象，民智稍開。生於不同年代，幸最終同獲家人接納其性取向，她倆不約而同的說：我們都是幸運的一群。

Denise 年輕時與家人移居加拿大做「太空人家庭」，爸爸留港打拼，「我係寫信畀我爸爸（出櫃），佢又完全 understand（明白）無問題」。相反媽媽起初難以接受，轉捩點卻是雙親離婚，「我諗佢哋都覺得對我無咗一種 moral authority（道德權威），無辦法仲去 judge（批判）你呢段關係，反而有咗個空間佢哋去明白、接受」。如今作為虔誠天主教徒的媽媽，已成 Denise 最強後盾。有次媽媽的教友談起同性戀是罪，眾人唯諾和應，媽媽卻滿腔怒火，向教友說「My daughter is a lesbian!（我女兒是同性戀）」。她也把此事告知 Denis，「佢返嚟仲好開心話返畀我聽」。

Denise 於 2003 年投身女同志研究，曾探討女同志在社會上的空間。研究顯示，香港住屋成本昂貴，令同志社群更難出櫃及搬離原生家庭，「如果你係同志，你覺得好難出櫃，但又想有個 life（生活）喺外面都好難搬到出去住，apply（申請）公屋根本都無機會兩個女仔、兩個男仔」。不過隨著互聯網出現，新生代同志更易認識自己，也獲得社群支援，「你可以喺 APP 識到朋友，出到去個 social recognition（社會認同）多好多，咁你就有 support（支援）」。Denise 現為嶺南大學文化研究系副教授，近 8 年專注研究年長女同志，著書《同聲同氣—香港年長女同志口述史》記載多位 1930 年代末至 1950 年代香港女同志的生命故事。她最近的研究發現，醫療是女同志最大的共同煩惱。

「唔可以 assume 所有長者都係直」

步入七旬的洋洋在公立醫院留醫時，曾被護士多次指「點解有男人走咗入嚟女人病房」，「我厚面皮就覺得無乜特別，有啲人畀你咁樣講係會好傷心」。Denise 指此現象源於醫療機構欠缺相關訓練，令工作人員未能培養性別敏感度，「一定起碼要知道，唔可以 assume（假設）所有長者都係直，起碼訓練啲 staff（職員）係有可能嘅，知道呢個社群嘅存在係第一步」。洋洋的女同志友人則因拒與異性戀女性同房而不願住進老人院，「因為佢好男仔頭，『直』嘅女人唔知你咩人，要同你分享廁所有避忌」。她認為社會需時進步，「你唔可以怪嗰班人，無理由我 7、80 歲要接受個『攣』嘅，但呢個社會成日強調多元，咁嗰啲人（同志）都會老，點解佢老咗就唔係？呢啲 concept（概念）要社會關注」。

洋洋小時候就讀男女校，青春期追女仔，對其他人絕口不提，「當時社會唔似而家有得上網，我都無呢個圈子嘅朋友，根本上無得講」。媽媽忙於賺錢養家，間接給予洋洋空間尋覓性取向。直至十多年前，媽媽見她未婚，著她找一個男人照顧自己，「佢話你不如搵個阿伯啦，60 幾歲都唔緊要，男女嘅社會就係你 40 幾歲，後生唔會鍾意你，你就要搵個阿伯」。洋洋決定對媽媽坦白：「我好似張國榮咁，我係 gay（同志），我鍾意女仔」。對方沉默下來，像是明白了甚麼，「我已經 financially、spiritually independent（經濟、心靈獨立），喺我個心我唔需要你 approve（批准）」。

婚姻不再為談情說愛

洋洋與女友相愛 16 年，多年前曾想過結束愛情長跑，「但嗰個時刻，天時地利都唔適合」。女友來自傳統家庭，目前仍未向母親「出櫃」，「佢媽媽都 90 幾歲，亦都唔會明白」。遺憾嗎？洋洋看得淡然，「放低咗，咁多年都唔結仲結乜鬼？搞咁多嘢」。她坦言，年老對婚姻的考慮更多，「我好坦誠講一句，而家講結婚就唔係談情說愛，係講現實嘅條件」，所指的是安排身後事的權利，「你想呢啲好順利，咁嘅情況你就會考慮結婚」。若果同志伴侶在外國結婚，在港享有申請受養人簽證、稅務優惠等權利。目前洋洋已設立遺囑，確保伴侶獲得應有遺產，亦暫未重拾結婚的衝動，「我唔可以咁自私，想做（結婚）就做，（如果）佢覺得舒服而又想，咁咪做」。

終審法院去年就岑子杰同婚案作出裁決，港府需於明年 10 月確立同性伴侶關係替代框架。Denise 對此感到樂觀，「點都會諗一個 framework（框架）出嚟，就算唔係婚姻，就可能係英國嘅 civil union partnership（民事結合）」。不論是民事結合還是同婚，Denise 強調公眾教育才是大長征，「Sex education（性教育）唔應該係你入到大學先知，或者要自己去搵；男女都係講結婚、講年老問題、到終點時點樣處理身後事，同志嘅 issues（問題）都係一樣」。