「細細粒」陳嘉佳自爆再減20斤 近照鎖骨線條明顯 網民：最靚係做自己

陳嘉佳（細細粒）近年於內地靠食美食及帶貨闖出名堂，吸金力強勁，於新西蘭、中山都有物業。細細粒去年因健康響起警號而積極減肥，由最高峰286磅減至130磅，其身形成為討論話題。細細粒減肥後曾自信滿滿，於社交平台大曬泳衣、吊帶衫及著婚紗嘅照片，不過佢竟於10月初坦言自己非常糾結，掙扎應該肥返定係再極端一啲再減重。昨日（10日），細細粒PO出多張近照，寫道：「我又瘦左啦….真係真係最後再減20斤」。

細細粒分享多張唔同全黑打扮嘅照片，從照片中睇到，細細粒明顯瘦面，輪廓突出；身形方面，鎖骨線條同樣明顯，雙腿纖幼。唔少網民都留言表示細細粒減肥減得好成功：「真係好勁呀！靚女，真的不容易啊 為你加油」、「肥有肥靚，瘦有瘦靚，最靚係做自己」、「瘦了，靚了」、「可以分享你的减肥效果了」等等，又有網民叫細細粒分享减肥方法。其實，細細粒曾指出，自己將減肥分成幾個階段，減肥第一個階段只要遵守三個規則，一個月瘦五磅係基本，包括飲2,000至2,500毫升嘅水、睡眠充足，以及戒精製糖。細細粒亦曾表示指，減肥頭三個月感覺好痛苦，但過咗之後就唔痛苦，仲話減肥令佢改變飲食習慣，而家都唔會飲凍嘢。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！