黑色月光｜林夏薇無害眼神一秒變狠 與楊茜堯用眼神過招

由楊茜堯（前名楊怡）、王浩信、林夏薇、馬志威、黃翠如及楊卓娜等演員演出嘅TVB台慶劇《黑色月光》正熱播，劇情亦進入白熱化階段，林夏薇所飾演嘅卓慧雲開始黑化。於近日劇情中，林夏薇與楊茜堯兩大視后用眼神飆戲，極具張力，睇到網民大叫緊張：「頭先林夏薇同楊怡（楊茜堯）過招好緊張」。

《黑色月光》日前播出第十一集，講述卓慧雲（林夏薇飾）見到蔣家與卓家徹底決裂，自知身為卓昊天孫女及蔣家媳婦會令她兩邊唔係人，於是試圖搵爺爺卓昊天求和，爺爺卻直接將佢趕走，令佢認清家族鬥爭嘅殘酷性。而楊茜堯搜集俊少（馬志威飾）罪證前，早已被林夏薇識破，並搶先奪走證據，林夏薇繼而向楊茜堯攤牌拆穿佢嘅復仇大計。楊茜堯於早前已被觀眾認同佢嘅演出，指其眼神凌厲，隔住螢幕都感受到嗰份霸氣與狠勁；而林夏薇今次演出亦相當驚喜，一向感覺柔弱且做開斯文角色嘅佢由無害眼神一秒變狠，被讚演得出色。林夏薇於《黑色月光》非常有突破，除咗與王浩信、馬志威有床戲，需要著上白色性感低胸睡衣以騎乘姿勢色誘馬志威，其角色亦正亦邪，性格複雜，林夏薇曾形容指係暫時演過最高難度嘅角色。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！