雅虎香港新聞 《玩轉腦朋友2》收得 更不容有失 Pixar高層暗示新片《外星奇遇記》搵華裔導演石之予執手尾︳電影LOL
上周北美上映嘅《玩轉腦朋友2》票房大賣，就連周末過後嘅星期一喺北美都錄得驕人成績收2220萬美元（下同），係PIXAR 歷來周一票房第2位作品，僅次於2018年《超人特攻隊2》。而《玩2》至今北美狂收1億7640萬，全球收破3億3千萬。今年影市表現麻麻，《玩2》嘅票房終於似返套夏日大片。
有評論認為《玩轉腦朋友2》有返PIXAR式嘅口味同趣味，有關方面似乎終於搵返條路。可能眼見之前多套作品成績麻麻，PIXAR對新作嘅創作更有要求。早前PIXAR創作總監Pete Docter喺外媒Entertainment Weekly訪問中就提到，《熊抱青春記》(Turning Red)嘅導演石之予(Domee Shi)正在製作原定今年夏天上映嘅動畫電影Elio（《外星奇遇記》）。之但係，Elio呢個project原本由導演Alfred Molina執導架喎，唔通……
Pete Docter未有提到石之予會為《外星奇遇記》出任咩崗位，但追蹤迪士尼消息嘅Disinsider就指出，《外》要延期至下年6月先上映，除咗因為舊年嘅編劇同演員工會工潮之外，另一原因係要大執個劇本。報導又提起2015年Pixar另一套作品《恐龍大時代》(The Good Dinosaur)因為同前一年嘅《古魯家族》太似，於是臨時臨急搵《恐》副導演臨危受命上陣執導，原導演Bob Peterson就專心於劇本之上，不過套戲最終反應麻麻。
《外星奇遇記》係講述一個11歲男仔Elio，唔覺意成為地球嘅大使，同銀河系唔同星體嘅外星人交流嘅故仔。《熊抱青春記》主人翁同樣係十幾歲豬妹，搵石之予出手，可能就係睇中佢捕捉到少年人嘅特質……即係煩？
更多電影文章
《三體》開拍電影版敲定張藝謀執導 如何處理文革情節再受關注︳電影LOL
《馴鹿寶貝》原型癡女告Netflix索賠1.7億美元 再有受害人爆料 被屈虐兒爭啲骨肉分離︳電影LOL
琦溫斯莉揭《鐵達尼號》經典場面背後不浪漫真相 「惡夢一場好尷尬」︳電影LOL
內地導演王小帥被指迫死《大象席地而坐》導演胡波 台北電影節取消邀請出任評審團主席
Johnny Depp自爆砌低米高積遜湯漢斯 成為《幻海奇緣》男主角︳電影LOL
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
