叱咤頒獎禮｜「我最喜愛」15強走勢 張敬軒MC迎戰MIRROR七子 炎明熹少曝光仍入圍

一年一度由商台主辦嘅「叱咤頒獎禮」將於2025年1月1日舉行，今年以「我在狂歌亂舞」為主題。由網民一人一票投選嘅「我最喜愛的男歌手」、「我最喜愛的女歌手」及「我最喜愛的組合」日前展開投票，今日（13日）官方公布15強走勢（截至今日中午12時），即刻睇吓有咩歌手組合暫時領先！

「我最喜愛的男歌手」方面，MIRROR暫時共有7名成員入圍15強，對戰前輩林峯同張敬軒。多次獲男歌手獎嘅MC張天賦、林家謙亦都榜上有名！另外，近期爆紅嘅YT大哥同Jeffrey，以及實力派歌手洪嘉豪、馮允謙亦都成功入圍。

「我最喜愛的女歌手」方面，樂壇天后鄭秀文成功入圍，對戰AGA、Gin Lee、JACE陳凱詠、陳蕾、Serrini等女歌手。久未出歌嘅Stephy鄧麗欣今年推出新作後暫時亦成功打入「我最喜愛的女歌手」15強。另外，多名新生代女歌手亦都有入圍，好似係Kiri T、Nancy Kwai、Sica、雲浩影Cloud、麗英，由DJ跨界嘅阿正，同埋今年曝光率較少嘅炎明熹Gigi。

「我最喜愛的組合」方面，《造星》系出身嘅組合COLLAR、ERROR、Lolly Talk、MIRROR、P1X3L及ROVER都成功打入15強。前輩級組合Dear Jane、RubberBand、Twins及艾粒都成功入圍，迎戰一眾新生代組合好似係JFYT、雷同二友，以及樂隊Pandora同啱啱開完演唱會嘅Per se。另外，台灣過江龍組合 蘇打綠 亦都榜上有名，成為暫時唯一一個打入15強嘅台灣單位！