《玩轉腦朋友2》上映12日全球收逾7億美元 成今年票房之冠︳電影LOL

荷里活上半年有幾多套大賣電影？莫講話閣下，小編日日跟實個市都唔係幾數到。上個月嘅美國長週末，北美票房按年大倒退，唔少人都估計「五窮六絕」之後未必有「七翻身」。

好在未到7月就有個「腦朋友」旺下場。前周上畫嘅《玩轉腦朋友2》(Inside Out 2)喺剛過去周末保持強勢，北美本土票房再收近一億美元（下同），海外市場更收到1億6440萬票房，開畫近2周總收入已經有7億2440萬元，鍊贏今年票房之冠《沙丘瀚戰2》，成為本年度全球最賣座電影，亦相信總票房好大機會可以衝破10億。

向來電影進入開畫第2周，票房都一定跌，爭在多定少。《玩轉腦朋友2》上周末喺北美比開畫周少35％，跌幅比預期細。而喺北美第2周收過一億嘅電影，以往有《復仇者聯盟》、《星球大戰 原力覺醒》等，就算舊年成績彪炳嘅Barbie都達唔到，所以《玩轉腦朋友2》條數係真心勁，之前好幾套作品票房仆咗嘅迪士尼今次飲得杯落。

外媒分析，《玩》北美收得嘅其中一個因素，係美國多處出現炎熱天氣，與其出街一身汗，家長都寧願成家大細入戲院。

而另一套喺美國國慶日檔期上映嘅動畫片《壞蛋獎門人4》，喺澳洲等4個市場已經先行上畫，反應相當唔錯，喺澳洲已經打破當地開畫票房紀錄。預計《壞蛋獎門人4》開畫時唔少學生已經放暑假，加上唔少睇《壞蛋獎門人》嘅小朋友已經長大成人，好似前年《迷你兵團2》上映時，成班後生仔隆重其事著西裝睇戲仲成為社交平台內容玩法，加加埋埋觀眾群夠闊，有力同《玩轉腦朋友2》爭做今年no.1!

更多電影文章

汪汪夢裡人／加菲貓：勇闖世界／地下殺神／維和防暴隊︳電影LOL 今期睇咩戲

《人工殺姬》拍情色版番外篇SOULM8TE 開拓殺姬宇宙︳電影LOL

《玩轉腦朋友2》收得 更不容有失 Pixar高層暗示新片《外星奇遇記》搵華裔導演石之予執手尾︳電影LOL

《三體》開拍電影版敲定張藝謀執導 如何處理文革情節再受關注︳電影LOL

《馴鹿寶貝》原型癡女告Netflix索賠1.7億美元 再有受害人爆料 被屈虐兒爭啲骨肉分離︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！