李思捷萬綺雯 疑似雨中咀咀?
李思捷同萬綺雯呢對緋聞情侶,早喺今年初因拍劇集《牛頭愛搭馬嘴》而傳出緋聞。佢地當時已經作出否認,仲冇有怕影攬頭攬頸相po喺社交網站,緋聞亦因拍完劇而消失。
有報道指佢哋其實一直keep住有來往,並用一大班friends嚟做掩飾。有指喺上星期五一個黃色暴雨嘅晚上,李思捷與萬綺雯就同單立文等人去咗食飯,食完飯走嘅時候,李思捷同萬綺雯就諗住一齊搭的士,所以李思捷就負責拎遮幫蚊蚊擋雨。其間佢哋不時咬耳仔傾偈,李思捷仲用手搭住萬綺雯香肩漫步。之後仲被影到李思捷拉低咗把遮喺街頭接吻,成為咗雜誌封面。不過,張相都可能係角度問題,因為萬綺雯擰轉頭嘅時候,咁啱睇落好似同李思捷咀咀。
媒體搵蚊蚊求證,佢就話係角度問題,連老公睇到都笑,仲話喺呢行咁多年有咩未見過。過到屋企嗰位呢關,冇事啦即係!
圖片:微博