[實況劇？] 《我們的天空》誇張改編真人經歷

TVB實況劇《我們的天空》自播出以來都有唔少嘅批評，對上兩集已經比人話維穩，星期日播嘅第三集《非常校長》，TVB就話係真人真事改編，以義教校長陳葒嘅故事作藍本。陳葒係一位年薪過百萬嘅中學校長，有感連做校長都冇能力幫基層學生，所以最後直情辭職，開補習社幫成績唔好嘅學生免費補習。

劇中由黃智賢飾演嘅馬匯忠校長，同樣辭去校長一職去開補習社幫基層學生免費補習。但劇情越講越誇張，話因為補習社被加租逼遷，馬校長想補習社有一個永久校址，就打算將自己層樓賣咗，仲搞到差啲離婚，好彩最後有內地富商捐錢俾佢

。

但主角陳葒

喺Facebook出post表示雖然故事係以其作藍本，但有誇張同修改。陳校長指佢從來冇諗過買樓去做免費補習，因為佢無樓可以賣，老婆亦唔會因為咁而同佢離婚。而佢啲仔女亦唔會好似劇情咁「以作家為榮保安為羞」，仔女嘅同學都唔會理佢哋

爸爸嘅職業係咩。

陳校長再表示佢哋係冇俾業主加租逼遷，佢哋搬走係因為合約到期。同埋冇人捐過五百萬俾佢哋，佢哋嘅營運資金係來自眾多香港人嘅捐款。叫得實況劇，不如真係貼近原本個案啦，唔駛加啲膠劇劇情整色整水嘅。

陳校長 Facebook：https://www.facebook.com/profile.php?id=100001174095231&fref=ts

圖片:截圖