《造星V》冠軍Lyman香胤宅落實簽約MakerVille由「拖緊手」變「拍拖」關係：我要睇真啲

香胤宅（Lyman）奪得《全民造星V》冠軍後卻久久未有動筆與MakerVille簽約，曾更以「拖緊手」去形容與MakerVille嘅關係，指自己有一定年紀，所以考量嘅條件亦比較多。昨日（29日），Lyman與Anson Lo（盧瀚霆）、Stanley（邱士縉）、周殷廷、Tsoul（田曜誠）、KC（黃家灝）及Ben（趙祥誠）出席活動透露已簽約MakerVille。

經過一年時間，Lyman落實簽約MakerVille，佢仲用「拍拖」去形容而家與MakerVille個關係，指對每段關係都要謹慎考慮：「我要睇真啲，依家啱啦，ready就let's go」。Lyman仲指合約年期好長，簽約決定獲太太Zoe支持，又於早前已到美國處理住屋問題，未來將會留港，以方便發展事業。對於發展方向，Lyman透露未來將向歌視發展，自己唔介意由配角做起。

另外，Lyman與《全民造星3》和冠軍「折骨Ben」趙祥誠均以跳舞見稱，前者強項為拉丁舞，後者強項則為折骨舞。當日Ben未獲大會安排與其他藝人一同上台分享，直到尾聲大合照先上台。二人接受訪問時亦表示今次音樂節無緣比舞，但直言有興趣合作，互相挑戰對方嘅強項。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！