姜濤被指與《玩轉腦朋友2》阿尷撞樣 出PO自嘲惹隊友留言

迪士尼與彼思電影《玩轉腦朋友2》（Inside Out 2）即將喺香港上映，本月初更公佈粵語配音版角色陣容，包括蘇雅琳（Ivy So）聲演阿樂、王菀之（Ivana）聲演阿愁、、蔣志光聲演阿驚、許紹雄聲演阿燥、楊詩敏（蝦頭）聲演阿憎，黃正宜（阿正）聲演阿焦、鄧麗英聲演阿羨、張蔓姿（Gigi）聲演阿厭及魏浚笙（Jeffrey）聲演阿尷，呢個人氣陣容非常令人期待。近日有指MIRROR成員姜濤竟然同新角色「阿尷」撞樣，而姜濤亦好玩得咁喺噚日（27日）上載自己跟阿尷嘅對比圖，並留言話：「一點都不像」。

姜濤喺社交網站上載自己跟阿尷嘅對比圖，相片中嘅姜濤穿上帶帽衛衣，真係同阿尷有幾分相似，除咗一班網民紛紛留言話似之外，連MIRROR成員Jeremy及ERROR成員保錡都分別留言話：「好似」及「勁勁 #笑一個」。

有網民更自行為其他角色嘅真人版配對，當中有人認為阿愁好似李司棋（司棋姐）、MIRROR經理人黃慧君（花姐）及蝦頭，而湯盈盈亦被網民指同阿樂撞樣。

其實仲有好多藝人同卡通都好似樣，例如鄧梓峰 VS 《反斗奇兵》巴斯光年、樊少皇 VS 《反斗奇兵》彈弓狗、元華 VS《咕嚕咕嚕魔法陣》結他他老伯、林盛斌 VS《迷你兵團》BOB、秦煌 VS 卡比獸、及陳凱琳 VS 《阿拉丁》艾格等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！