《十八年後的終極告白2.0》曹永廉被彈戲屎 網民:演技十年如一日

《十八年後的終極告白2.0》劇照
《十八年後的終極告白2.0》劇照

TVB劇集《十八年後的終極告白2.0》播出兩星期,觀眾們都估緊誰是兇手。近日劇情就講到曹永廉所演嘅勇哥因親眼目睹懷孕嘅太太被車撞死,為咗報仇而變成連環殺人狂。毒打完再殺害阮兒所飾演Kammy,之後虐打兼禁錮「出租老婆」阿霞(尹詩沛飾) 。

唔少網民都認為勇哥呢個角色有好大發揮空間,不過就認為曹永廉勝任唔到角色,演技太過留於表面,無辦法令觀眾投入,甚至有網民認為「廉伯啲戲屎到」、「曹永廉啲演技真係好麻麻,演幾十年都係咁 喊都唔識。」、「搞到我出晒戲 明明個角色咁多發揮」、「做咁耐戲都仲做到咁 點搞呀…..」、「琴晚果集的確好精彩但好似美中不足既地方係...阿廉d演技」、「原來唔只我一個覺得勇哥演技好差。應該換個人演!」及「係得一早紅咗啦,演技十年如一日」等等。

反而尹詩沛飾演嘅問米婆阿霞演出受到讚賞,當佢知悉勇哥禁錮咗一個男人喺房間時,眼神完全交足戲,完美表現到好驚慌唔知點算,獲網民大讚表現不俗,例如「詩沛演得唔錯 ... 講兩句就喘晒氣咁 , 真係好似孕婦」及「如果尹詩沛演趙希洛個角色,效果會更爆之餘鹽花會有睇頭好多。」等等。其實尹詩沛喺《十八年後的終極告白》飾演「豬肉婆」及《金宵大廈》中嘅同性戀妓女芳芳演出都好有層次,經常為觀眾帶來驚喜。

《十八年後的終極告白2.0》劇照
《十八年後的終極告白2.0》劇照
《十八年後的終極告白2.0》劇照
《十八年後的終極告白2.0》劇照
《十八年後的終極告白2.0》劇照
《十八年後的終極告白2.0》劇照
《十八年後的終極告白2.0》劇照
《十八年後的終極告白2.0》劇照
《十八年後的終極告白2.0》劇照
《十八年後的終極告白2.0》劇照
《十八年後的終極告白2.0》劇照
《十八年後的終極告白2.0》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能