《無頭東宮》陳妙瑛杜大偉敍舊 網民：叫母后客串愛回家

2002年播出嘅無綫古裝劇集《無頭東宮》可以講係經典中嘅經典，就算劇集重播幾多次，網民們都反應熱烈。日前喺劇中飾演陳妙瑛個仔嘅杜大偉貼出二人合照，並留言：「恭祝母后身體健康牛年行好運！」，相中陳妙瑛保養得好好，依然皮膚白滑，個樣冇咩變化, 完成睇唔出48歲。

估唔到佢哋隔咗咁多年依然保持聯繫，唔少網民都興奮留言：「嘩！回憶返哂嚟。無頭東宮：凌雲、凌丹」、「仲係好靚 好想睇返佢拍戲呀」、「哇！母后一點都沒變，一樣美」、「叫母后客串愛回家」、「陳妙瑛保養得好好呀」及「omg 兒時回憶」等等。

1993年參選港姐嘅陳妙瑛，以半熱門晉身五強，最終三甲不入但獲得「最美麗相中人獎」。加入無綫後，佢隨即備受力捧，參演多套大受歡迎劇集，包括《西遊記》、《洗冤錄》、《金玉滿堂》、《洗冤錄》及《無頭東宮》等等，成為無綫當家花旦之一。正值事業高峯期嘅陳妙瑛，喺2001年選擇約滿後離巢，2005年更淡出娛樂圈，之後佢轉戰商界，建立美容王國, 亦好少公開亮相。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！