「東涌羅浩楷」不忿被利用眾籌 林作:開玩笑方式抽水

「東涌羅浩楷」Kristen被利用眾籌:我唔識林作
「東涌羅浩楷」Kristen被利用眾籌:我唔識林作

曾參加《2021香港小姐競選》首輪面試,以一身騎呢大媽打扮,再加上「佛手」姿勢而成名嘅「東涌羅浩楷」,由於未能入選複試,好多網友都關心佢嘅去向,早前被起底後,佢嘅社交網追蹤人數好快增加到4位數,佢都即刻自拍一段片答謝網友,同大家打聲招呼,粉絲即刻留言「i love you」、「真係人靚聲甜,加油」,非常正面,亦都冇人踩佢!

Kristen拍片同大家打招呼。
Kristen拍片同大家打招呼。
粉絲留言讚好。
粉絲留言讚好。

現年22歲嘅Kristen,被網民起花名「東涌羅浩楷」,不過佢唔介意成為揶揄對象,反而開心有能力帶畀大家歡樂,生性樂天嘅佢,從小就發選美夢,父母是內地、西班牙、菲律賓混血兒,佢於香港土生土長,小學中學都喺香港就讀,讀大學就喺菲律賓。雖然就讀中文學校,但卻入讀了以英文教學嘅班別,所以佢唔識廣東話,最多只識講「你好」。

Kristen慘被林作亂改名。
Kristen慘被林作亂改名。

而佢中文名其實叫「利愛安」,林作冒認為佢做提名人之後,更幫佢改名為「霍韻璇」,惹起天大誤會,不過佢冇嬲林作,但就叫大家唔好信網上眾籌一事,表示自己唔識林作,而港姐提名人係佢哥哥,佢唔鐘意有人利用佢個名嚟敲詐金錢。

對於Kirsten指利用佢個名嚟眾籌,林作回覆東網表示:「本人一直本着開玩笑方式抽水,英文,這叫做trolling,並無惡意,更未至於『利用他人獲利』。事實是,毫無任何人問津眾籌,本人也從未邀約Kirsten進行合作,甚至不讓絕大部分人打擾她,可以說是倍加呵護的典範。」

林作又稱沒有他就沒有Kirsten:「目前Kirsten成為了本屆港姐最受矚目小姐得主,本人深感欣慰,並不求Kirsten回報,僅僅想和大眾講聲:『係我獨具慧眼,在芸芸「高手」中,揀佢出嚟捧嘅。在我出招前,佢並未特別彈出,仍然有另外至少半打友同佢並駕齊驅。我的吹捧,令佢最後單獨跑出,我真的很為她感到驕傲。希望第日可以請佢飲茶。而我講笑的過人之處,在於有時候真假難辨,認真便輸了,一分錢沒收過,但明眼人從來都知道,本人完全無惡意,她只是獲得了名氣,歡迎網友指正,但從來無傷大雅,本人從來都係玩得好大嘅,毫無惡意,真心支持,現在成就偉業,成為今年第一個接受專訪之佳麗,請問該感謝我還是咒罵我?!沒有我,有Kirsten嗎!我自此宣布,Kirsten榮獲2021年香港小姐競選最受矚目小姐獎。』」

Kristen直言討厭林作利用佢個名敲詐金錢。
Kristen直言討厭林作利用佢個名敲詐金錢。