「離婚界KOL」雯雯再一次嗌離婚 林作宣佈贊助雯雯離婚律師費獲網民支持：今次撐你

張致恒（Steven）同雯雯（區燕雯）喺2019年奉子成婚，婚後佢哋生完一個又一個，早前更迎來第四胎，四年抱四（張天寶、張天牧、張天朗及張天樂），認真厲害。被網民指係「離婚界KOL」嘅二人屢次傳出離婚消息，好似早前雯雯喺IG宣布離婚，仲話下次出PO就係簽文件嗰一刻。而「抽水界KOL」林作當然唔會錯過機會繼續抽水，仲出PO表示受夠佢哋無恥地刷存在感，所以贊助律師費助雯雯離婚，之後林作再出PO：「賭幾多又係騙局，最後又唔離婚？」

早前雯雯喺IG宣布決定離婚消息：「我已經可以完完全全無顧慮咁講，我決定離婚，下一次就係可以POST簽紙一刻。至於小朋友，就交畀社工同有關人仕決定去向。」由於佢哋屢次傳出離婚，搞到林作都忍唔住出PO：「由於本人受夠呢對夫婦比我更無恥地刷存在感，本人宣佈願意贊助律師費助女士成功離婚。只希望可以唔好再見到得個講字」。之後林作再出PO：「賭幾多又係騙局，最後又唔離婚？」

唔少網民都紛紛留言支持林作：「支持 真係比你更無恥 世間罕見」、「支持 我都希望個癲婆講得出做得到」、「絕對支持林生，亦好希望林生唔好又得把口，實際行動去幫助佢哋」、「第一次咁支持你」、「你已經夠無恥，估唔到佢仲無恥」、「今次撐你」、「林作支持你 做得好好」及「支持你支持佢」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！