【好閃吓!】結婚兩週年放閃晒相 楊怡羅仲謙耍花槍
最近有劇上嘅楊怡,今日喺ig度晒相,兩張相都係得個影背脊,睇唔清楚個樣,不過楊怡留言寫住︰「時動,時靜,願我們繼續打打鬧鬧,蹦蹦跳跳,開開心心的幸福下去。」
原來今日(10月2日)係佢同羅仲謙結婚兩週年,相中二人作狀互打大耍花槍,另一張就係羅仲謙攬住老婆楊怡依偎住坐,唔少網民都恭賀佢哋。早於8月時,兩人一齊搞生日會,當時佢哋又攬又錫已經好放閃,今次結婚週年,反而唔見樣晒背,唔知點解呢?唔少網民都想佢哋有好消息,咁又係嘅,過二人世界都有兩年,佢哋都係時候為家庭增添新成員喇!