【寒冰掌又推甩兩件】組合兩年玩完 前VRF成員李安：我哋唔靚仔吖嘛！

如果你是70後、80後，也許對VRF這隊四人男子組合不會太陌生；成員包括現在已經是楊千嬅老公的丁子高（Real）、李安﹝Ray﹞、 梁世豪﹝Raul﹞及余啟邦﹝Ronald﹞。當年VRF憑一首《寒冰掌》唱爆K場，縱使至今仍未成功解讀「寒冰掌又推甩兩件」這句歌詞的含意，但有人談論，總算是成功！

當年受華納力捧的VRF，2000正式出道，2002年便告解散，四人當中，只有丁子高仍在娛樂圈打滾，除了因為他娶了楊千嬅，他的公關工作和娛樂圈亦有緊密關係。至於，昔日在隊中吸納了不少fans的Ray，組合解散後由幕前跳到幕後，做過攝影學徒，又做過形象設計，至一年多前終於告別「打工仔」，在油麻地開店賣近年大熱的梳乎厘pancake！

Ray日前在其石澳安樂窩接受《蘋果》訪問，現年36歲的他，臉上抹去了昔日的孩子氣，加上一身健碩肌肉，男人味濃！談到VRF閃現樂壇兩年便「玩完」，Ray笑着說：「我哋4個係由經理人介紹認識，大家分別來自澳洲、紐西蘭同美國，本來喺唔同地方讀書，咁啱大家都識當時嘅外籍老闆，嗰時華納老闆想做一隊跳舞組合，99年開始訓練，一年後就出道。」

他續謂：「我哋嗰時早Twins半年出道o架，當然佢哋一出道就好犀利啦，我哋唔靚仔吖嘛，台灣有F4，經理人想我哋玩靚仔，但我哋唔得架嘛，所以都有好多分歧，咁咪拆囉！」

不過，Ray口中所講的分歧，並非來自他們4人，相反4位昔日戰友，過去10多年一直保持聯絡，「我哋有聯絡o架，感覺好得意，識嗰時大家係o靚仔，依家大家都已經有家室。」問他們可曾想過重組VRF？Ray即說：「以前經理人有揾呀，我我哋４個有共識，一次半次ok，但嚟真嘅就唔ok，搞唔掂喇，而且大家都有自己嘢做！」

說到另一半，訪問當日Ray的台灣籍太太Rozey全程陪伴在側，見Ray準備要拍打拳照，即冒雨跑到露台準備，再拿來手提電話預備播音樂，因為這些都是Ray平日打拳的習慣，如此細心體貼，相信不少男仕都羨慕。

不過，勿被Rozey斯文外表騙倒，她原來是滑浪高手一名，與Ray相識亦因為有共同興趣。Ray透露和太太7年前在香港認識，有次他到澳洲影相再遇上Rozey，因為大家都喜歡滑浪，好自然便走在一起。

Ray又指，現在打拳、跑步及滑浪成為他最大娛樂，他又以滑浪比喻人生，「我覺得滑浪同做人好相似，如果一個浪我出唔到去，撠喺中間就會浸死，如果衝得過，就會好開心，然後再等下一個浪嚟，或者會好辛苦，但必定要經過辛苦過程。」

採訪：鄉奈仁
攝影：林德雄
影片：廖達燊