【當年四千萬蝕賣】肥姐故居現1.3億放售 欣宜淡然：依家同我冇關係

肥姐沈殿霞位於九龍塘蘭開夏道1號故居劍橋花園4號，因為再度放售，而成為焦點，今日欣宜到商台出席活動，受訪時稱：「賣咗好耐，依家同我冇關係，不過間屋對我嚟講好有感情，因為自己細個十幾年都係住喺嗰度。」

肥姐轉眼離世已十載，在其病重期間，即07年8月左右，一度傳出肥姐因肝瘤惡化，需將劍橋花園物業、以5,500萬賣出應急。

該物業業權原來共有五份，若肥姐成功放售，則可分得約1,100萬。消息傳出後，肥姐好友兼鄰居、且擁有劍橋花園其中一份業權的張耀榮當時代為否認，稱：「冇啲咁嘅事，佢大把錢啦，張生就冇錢。」但他補充謂的確在放售，心目中價錢是六、七千萬左右。

肥姐08年2月離世，同年7月，中國海外（688）以4,029萬元購入肥姐故居（即4號室），比之前傳聞中的5,500萬還少。單位成功出售後，按肥姐公司三分一股權比例，欣宜套現約1,300萬元，並繼承了肥姐約4,300萬遺產。另中國海外同月再以5,400萬，購入張耀榮位於劍橋花園2號室物業。

根據土地註冊處資料顯示，劍橋花園4號室，先由張耀榮於1987年以1,000萬元購入，再於1992年以1,275萬元轉讓予耀城地產有限公司GLORY CITY PROPERTY LIMITED，其公司董事包括沈殿霞、張耀榮太太羅桂珠及Victory Asia Development Limited。

肥姐生前與欣宜一直居住於劍橋花園，4號室為複式單位，實用面積約4,517方呎，包括兩個天台各約2,400方呎。欣宜自小就與住張耀榮為鄰，她曾說：「我哋住頂樓，佢就住地下。媽咪做嘢好忙，所以我成日喺張家張飯枱上黐餐，Uncle張怕我怕醜，成日問我啱唔啱食，夠唔夠飽。當時6歲嘅我就話：『uncle張唔使咁客氣，你求其俾啲鮑魚蟹黃翅我食就得喇。』」

事隔十年。最近有市場消息指，中國海外放售肥姐及張耀榮故居，意向呎價分別為2.9萬元及3.1萬元，料總值逾1.3億元及1.4億元。亦因為今次放售，令肥姐故居內櫳曝光。

翻查報道，有指為免將來處理文件手續麻煩，故當年肥姐患病後，便決定賣樓，但一直未傾到個好價錢。至08年七八月之交，樓價下滑，肥姐單位在7月底以4,029萬萬售出。當時有知情者稱：「其實欣宜都好唔捨得，但賣樓一方面係肥姐臨終前嘅決定，另一方面，欣宜覺得自己用唔到咁大地方，好浪費，所以最後都選擇賣咗間屋。」