雅虎香港新聞 【股壇衝鋒車】兩大原因追洛鉬（周沖）
大市就來到27000點，牛市已經相當明顯，但問題係細心一睇，其實只有大約三成股份上升，就算你在24000點以下買貨都好，不少仍然捱緊價。周沖係呢個時間比個忠告你，就係跟紅頂白，唔好再寄望會有咩追落後的股票。原因好簡單，全球剩番喺市場的資金都係聰明錢，只會越強越炒，當你細看幾隻強勢股你會明白呢一點。
其他大價股如平保(2318)、吉利(0175)、比亞迪電子(0285)等等周沖就唔在此慢慢講，今日想講一隻啱啱52周高位回到近十天線可上車的股份，就係洛陽鉬業(3993)。洛鉬有咩賣點?首先係佢去年做了一個併購動作，買入了一個位於剛果的銅鈷礦，晉升成全球礦業龍頭。而礦價亦於去年見底，慢慢回升，今年的業績應該會受惠入賬，此乃其一。
第二，A/H股差價還有五成折讓。睇番A股的洛鉬執筆時為7.19元人民幣，比起H股有約五成溢價，而公司於7月頭獲准發行不超過57.69億新A股以完成收購，可見其價值應以A股結算。同一樣的公司，在香港市場差不多有大約一半的折讓並不合理。加上現在國內資金可透過深港通和滬港通買入H股，要把洛鉬炒上接近A股水平並無不可。
周沖最近都是留意幾隻股票的高低位，配合番技術分析去入市追升殺跌，暫時表現都叫追貼大市，各位戰友也可以留意下改變一下自己的操作策略，在如此艱難的大牛市追回報。
買入價: $3.7 目標價: $ 6.0 止損價: $3.4
周沖
