【ViuTV音樂頒獎禮】姜濤劉德華齊入圍男歌手獎 邊個贏面大啲?

·2 分鐘文章
劉德華 & 姜濤
劉德華 & 姜濤

ViuTV將於4月18日首辦音樂頒獎禮《Chill Club推介榜:年度推介20/21》,日前舉行記者會上邀請到各大唱片公司歌手出席。ViuTV樂壇頒獎禮設立「年度男/女歌手」、「Chill Club年度組合」、「Chill Club年度唱作歌手」、「Chill Club年度十大歌曲」及「Chill Club年度之歌」等11個獎項。一個音樂頒獎禮最矚目嘅獎項莫過於男/女歌手嘅獎項,今次當然都唔會有例如,59歲劉德華同21歲姜濤都成功入圍「Chill Club年度男歌手」,有網民更話「姜B做得劉德華個仔」。

「Chill Club年度男歌手」 一共有24位男歌手入圍,例如,劉德華、陳奕迅、李克勤、陳柏宇、鄭中基、許廷鏗、黎明、姜濤及林家謙等等,當中最為人關注嘅係年齡差距達38年嘅劉德華同姜濤。身為四大天王之一劉德華,出道至今已經四十年,經典歌曲多不勝數,粉絲遍佈世界各地。而新生代偶像姜濤,喺《全民造星》時已經俘虜唔少女士心,出道僅兩年成為廣告商竉兒、新歌及演出機會不斷,佢更喺上年嘅《2020年度叱咤樂壇流行榜頒獎典禮》連奪由歌迷一人一票選出「我最喜愛的男歌手」及「我最喜愛的歌曲大獎」,人氣有增無減。

今次所有獎項均由全港樂迷一人一票選出,佢哋一個粉絲遍佈全球,一個有龐大姜糖嘅團員力撐,所以未到頒獎嗰刻都唔知邊個會拎。唔知大家又覺得邊位會成為ViuTV首屆嘅「Chill Club年度男歌手」呢?

另外,「Chill Club年度女歌手」 一共有23位女歌手入圍,包括鄭秀文、王菀之、AGA、林二汶、衛蘭、容祖兒、鄭欣宜、Gin Lee及莫文蔚等等,競爭同樣非常激烈。

姜濤
姜濤
姜濤
姜濤
姜濤
姜濤
劉德華抖音影片截圖
劉德華抖音影片截圖
劉德華抖音影片截圖
劉德華抖音影片截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!