三叔公園丨阿Bu分享旅行扮Honeymoon搲著數惹熱議 網民：真係唔知醜

由余迪偉、鄒凱光（灘叔）及姚家豪（阿Bu）主持嘅網台節目《三叔公園》，佢哋喺節目中無所不談，隨心講自己想講嘅嘢，盡顯默契，深得一班網民愛戴。日前阿Bu喺節目中分享自己點樣喺去旅行期間扮Honeymoon搲著數，節目出街後，阿Bu嘅行為隨即引起網民熱議。

喺日前嘅《三叔公園》中，阿Bu分享「Honeymoon」萬能Key大法，佢表示因為疫情嘅關係，佢同老婆利君牙去咗一年度蜜月，期間好多酒店都係「吉」。而佢哋同時飛唔同地方都到訪同一集團嘅酒店，所以酒店每一次都會為佢哋準備Welcome Drink。另外，阿Bu仲話每次去旅行都會話「Honeymoon緊」，咁啲人就會對佢哋好啲，而喺傾偈嘅時候，就算人哋問佢咩嘢，佢都會「攝到過去」，透露自己「Honeymoon緊」。

呢集出街後，阿Bu嘅行為隨即引起網民熱議，有人認為佢已經係老闆，根本唔需要貪小便宜去呃人，例如：「為咗貪小便宜走去呃人，仲講到咁大聲，真係唔知醜」及「其實bu 老闆今時今日咁有財勢，就比返d 老闆格啦」；另外，亦有網民附和表示都有試過用類似方法，而同樣獲得升級優惠。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！