事業上多得女友啟發 關楚耀愛即興 啱Feel就結婚

·2 分鐘文章
關楚耀把握機會,在事業上繼續搏殺。
關楚耀把握機會,在事業上繼續搏殺。

入行15年的關楚耀唱而優則演,近年將事業重心放在戲劇上,經常做「空中飛人」在香港、內地兩邊演,難得抽空回港宣傳無綫熱播劇《智能愛人》,他指劇中角色是科技公司的CEO,拍攝時日日喪鬧下屬馮盈盈,不過他表示現實中性格冷靜、高EQ,可謂零脾氣,故跟網紅空姐女友Joann絕少吵大鑊。

每當他講起女友表情總是甜絲絲,拍拖2年多仍處於熱戀期,訪問期間激罕打開「女友」話閘子,坦言身邊有好多親朋戚友已向他催婚,雖然跟女友有結婚計劃,表明想做爸爸生一仔一女,甚至羨慕身邊朋友已成家立室,但他直言暫時想先衝事業:「做藝人真係好被動,要主動出擊,特別做生意嚟講我都仲係個新手,女友、屋企人都明白、支持我。(你成日飛,女友有詐型?)咁當然梗有!分隔異地每晚基本上都會講電話,同埋互相信任最重要。」

「難得佢陪伴我呢個老翁」

自嘲「年紀唔細」的他自爆早已視對方為另一半,問到會否閃婚時,他蠱惑出「口術」:「我都係個好即興、隨心嘅人,感覺啱嘅就會去做,所以我答唔到你,哈哈!喺感情、年紀方面我已經係個Uncle,難得佢咁都陪伴我呢個老翁。」跟女友各自發展事業,他大讚對方是其生意啟蒙老師:「疫情期間無論喺演藝定喺生意上,係佢叫我去搵新嘅機會,佢細我11年,但係反而呢個𡃁妹仔啟發咗我,一齊進步。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能